Umhverfið

Að hugsa um landið

Þegar mikill fjöldi fólks kemur skyndilega á lítið landsvæði getur orðið umtalsvert álag á umhverfið um kring.  Flóttamenn og fólk á vergangi innan eigin landamæra hafa oft ekki annað val en að treysta á náttúruauðlindir til að lifa af, sérstaklega í neyðartilvikum. Oft þarf að höggva tré til að byggja skýli eða til að styðja þau, stundum þarf að safna saman við til að elda mat eða halda hita.  Villibráðir, ávextir, jurtir og aðrar plöntur koma sér oft vel þegar finna þarf mat eða lyf.  Ef álagi gagnvart umhverfinu er ekki stjórnað geta þessar athafnir, og aðrar álíka, fljótlega farið úr böndunum og haft neikvæð áhrif á umhverfið sem og þá sem eru á landflótta og íbúa svæðisins.

Flóttamannabúðir eiga aldrei að vera til frambúðar, jafnvel þó að mörg lönd hafi hýst flóttamenn eða fólk á vergangi innan eigin landamæra á sama svæði í marga áratugi.  Það verður að setja af stað áætlanir og aðgerðir sem taka á meginatriðum í umhverfisvernd, fyrirbyggja umhverfishnignun og forða því að átök eigi sér stað innan svæðisins vegna samkeppni um náttúruauðlindir.

Flóttamannastofnun SÞ viðurkennir hugsanlegan skaða sem flóttmannabúðir nýjar byggðir geta haft á umhverfið, sem og mögulegan skaða sem þær geta haft á efnahag á svæðinu og sambönd við íbúa svæðisins.  Fram til þessa hefur Flóttamannastofnunin  myndað leiðandi stefnu sem tekur á umhverfismálum.  Jafnmikilvægt er þó að Flóttamannastofnun SÞ þróar og styður breitt svið svæðisverkefna sem hjálpa til við að draga úr eða bæta fyrir skaðann  sem mannúðarverkefni hafa valdið.  Flóttamannastofnun SÞ hefur einnig brugðist við ógnum sem hafa nýverið komið í ljós eins og loftlagsbreytingar.